સુખ ખરેખર હશે?


watercolor: Kishor Raval

તેં જ કહ્યું હતું,
હું હઈશ, તું હઈશ,
હશે ચાંદની મઢયું ઘર
કલરવ હશે, કલશોર
અને કિલકિલાટ પણ
અઢકળ સુખની આ કળ!

તેં કહ્યું હતું આ
મેં માન્યું હતું આ
પછી
આપણે શોધવા મથ્યા
સુખ અકળ.

મહાનગરોની ભીડ
સ્પીકરોનો કોલાહલ
ઘોડાના ડાબલાં ને
પતાંની ચીપાટ
પેલા બારણાના પડદા પાછળ
છુપાએલું કોઇકનું સુખ
શોધવા મથ્યા — આપણે.

શોધતા હિમાલય ચડ્યાં
સપ્તસિન્ધુ વલોવ્યાં
સુખામૃત ઢોળાયું છે ક્યા?

ને વળી કહયું કોઇએ
મળે નહીં શોધ્યે સુખ
ને આપણે બેસી પડ્યાં
થાકયા હતા?

તોય થાકની હા સ્વીકારી ન શક્યા
લડ્યા આપણે
ફેંદ્યું ચાંદની મઢયું ઘર
ઈંટ ઈંટ કરી અલગ
કલરવ, કલશોર, કિલકિલાટ
પછી શોરબકોર થયા.

ફરી તેં જ કહ્યું,
હશે કદાચ ઘરની બહાર સુખ…..
રઝળપાટમાં…. રખડપટ્ટીમાં…
તૂટી ગયેલા હુંત્વને ફરી સમેટવામાં
ને આપણે છૂટા પડ્યા.

પક્ષીઓએ પરોવી ચાંચમાં ચાંચ
નિરખ્યા કર્યું
ફ્રીજમાંથી કાઢેલા બરફના ચોસલા
હસ્યા
ક્લબના પ્લેઈંગ મશીનને
સુજી મજાક
ત્યાં સુધી….. ત્યાં સુધી તો
ઓજપાઇ ગયાં દિલના દિવા.

હું હારી ચૂક્યો,
તારૂં કહેલું, મારૂં ધારેલું
સુખ
આપણું ક્યાં થયું?

સુખ
આપત્તિઓના ડુંગરેથી હશે પડવામાં?
હારમાંથી ઉભા થઇ ફરી હારવામાં?
સુખ મારા માટે હશે?
સુખ ખરેખર હશે!


Lakshman Radheshwar, lvradhe@outlook.com, Bhavnagar

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s