રિઅરવ્યૂ મિરર


આપણે હતાં

2 car garage

અને હતું ટુ-કાર ગરાજ હોમ.

પા એકર લોન,
પેવ્ડ ડ્રાઈવવે.

ડ્રાઈવવે પર, રોજ રોજ જીવેલા એક એક દિવસને
ટોસ કરી
ટ્રેશ કરી ફેંકવાને ખુણામાં રાખેલો ગાર્બેજ કેન!

 


ટીવી ઉપર રોજ હતું ‘વ્હીલ ઓવ ફોર્ચ્યૂન’
પછી ફરતી’તી લાઈફ રોજ
ડ્રાયરમાં, વોશરમાં અને ડિશવોશરમાં

 


આપણે હતાં
ને હતું ટુ-કાર ગરાજ હોમ

ડિઝાઈનર કિચન
કિચનમાં ઈન્ડિયાથી લાવેલી
સોળ આની શુધ્દ, એક જાણીતી, માનીતી
કોરી ને કટ્ટ, સાવ પેટીપેક, બ્રાન્ડ ન્યૂ પત્ની!

ઘર ઝુરાપો છે છતાં
ઈન્ડિયાની નોસ્ટેલ્જીક વાતોથી ઘડી ઘડી ઊખડી જતાં
છતાંય
આપણે તો યુનાઈટેડ સ્ટેઈટ્સને જ ચોંટેલા એમ
જેમ ફ્રીજ ઉપર ચોંટેલા મેગ્નેટ્સ!

મેગ્નેટ્સમાં
‘નિન્જા ટર્ટલ’ થી માંડીને હતાં
તાજ-મહાલ
એલ્વીસ
બડવાઈઝર
એફ.ટી.ડી.
‘સે વિથ ફ્લાવર્સ’
ટ્વેન્ટી ફોર અવર્સ’
‘હમ આપકે હૈં કૌન?’
નમો અરિહંતાણં
શિકાગો બુલ્સ
તથા
માઈકલ જોર્ડન
અને તિવાના ખાતે પડાવેલો
પરસેવે રેબજેબ, મેક્સિકન ટોપામાં આપણો જ ફોટો.


રિઅરવ્યૂ મિરરની દેખાતી દુનિયાથી દૂર દૂર ખસવાનું,
ઘડી ઘડી સહેજ જોવાનું
જોવાનું એટલું કે –
આપણું હતું જે બધું, એ હવેથી આપણું ન રહેવાનું.


કવિ: ચંન્દ્રકાંત શાહ, અમેરિકાવાસી કેટલાક ગુજરાતી સર્જકો
સંપાદક: મધુસૂદન કાપડિયા, ગુજરાત સાહિત્ય અકાદમી

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s