શીત યુદ્ધ / સ્થાન

ઝાકળ જોડે
લડે તડકો, સ્થાન
પોતાનું લેવા.

લેખક : ઉદય બી. શુકલ ( ‘કવિતા’ )ના સૌજન્યથી
સંપાદક : કોકિલા રાવળ


 

તને
વરસાદમાં ભીંજાતી જોઈ
મારી ભીતર ઊગી ગયું
લીલુંછમ્મ ઘાસ!

લેખક : રમેશ પટેલ ( કવિતા )નાસૌજન્યથી
સંપાદક : કોકિલા રાવળ


 

હાઈકુ

 

ઊડ્યું એક જ
પંખી ને કંપી ઊઠ્યું
આખુંય વૃક્ષ
~

ઊપડી ટ્રેન-
ફરફરી ના શક્યો
ભીનો રૂમાલ.
~

અંગ સંકોરી
પોઢ્યું છે પતંગિયું
પુષ્પ પલંગે.
~

કિચૂડકટ-
બારણું ખૂલ્યું,ધસી
આવ્યો તડકો.
~

છાબડીમાંનાં
પારિજાત, વીણેલાં
પરોઢ ગીતો.

watercolor: Kishor Raval

કવિયત્રી: પન્ના નાયક

ગંગા

સવળી ગંગા

સ્વર્ગે થી ગંગા
વારસોએ ઉતારી
પૂર્વજો તર્યા.

blue-line

અવળી ગંગા

સ્વાતંત્ર્ય ગંગા
પૂર્વજોએ ઉતારી
વારસો તર્યા.

blue-line

લેખક નટવરલાલ બૂચ, છેલવેલલુના સૌજન્યથી, પાનુ ૧૨૬

સુખચતુષટમ્

આજની હાસ્યરસથી ભરપુર ૭ હાયકુ નટવરલાલ બૂચનીં “છેલવેલ્લુ”માં મળી

સુખચતુષટમ્, નટવરલાલ બૂચ

પહેલું સુખ તે પેટસફાઈ,

બીજું સુખ નિત મળે મીઠાઈ;

ત્રીજુ સુખ અજ્ઞાને ભર્યા ,

ચોથું સુખ નીંદરમાં મર્યા.

“છેલવેલલુના સૌજન્યથી”

લેખક: નટવરલાલ બૂચ

વિરહાઈકુ સપ્તકમ્

પળ્યાં પિયર;

સૂનું ઘર તમારી

સ્મૃતિસભર.

સ્વપ્નિલ નિદ્રા;

તમરાંના ઝંકાર

ઝબકી જાગું.

પાચનાં ડંકા

પડીપડી જગાડે;

તમે સાંભર્યાં.

નહાઉં ધોઉં;

સાડીસૂને દોરડે

ધોતિયું રડે.

ચૂલો પેટાવું:

મૂંગી, હૂંફાળી જ્વાળ;

તમે સાંભર્યાં.

રંગીન પ્યાલા –

વીંટી ઘઉંવરણી ચા;

તમે સાંભર્યાં .

જયાં જયાં નજર

કરે નટનાગર,

યાદી તમારી.

લેખક : નટવરલાલ બૂચ

“છેલવેલલુના સૌજન્ય થી”