ઓટમીલ ભાખરી

ઓટમીલ ભાખરી

  • ત્રણ ભાગ (કપ) ઘરનો લોટ

    Photo: Kokila Raval
    Photo: Kokila Raval
  • બે ભાગ (કપ) દળેલા ઓટમીલ
  • ૧/૪ કપ હેમપુષ્પ દાણા, અથવા તલ
  • મીઠું, મરચું અથવા મરી સ્વાદ અનુસાર
  • ૧/૪ હળદર
  • ૧/૮ હિંગ
  • ૬ ટેબલ સ્પુન મોણ ઘી,બટર અથવા ઓલિવ ઓઈલ

ઉપરની બધી સામગ્રી લોટમાં ભેળવી કઠણ લોટ બાંધી બે ત્રણ કલાક ઢાંકી રહેવા દેવો.

વણીને ધીમે તાપે નેપકીનથી દબાવવી.

yellow-line

ચા સાથે સારી લાગે છે. ગળી કરવી હોય તો ગોળનું પાણી કરી લોટ બાંધી શકાય.

પીકનીકમાં સેંડવીચની જેમ પણ ખવાય. શિયાળામાં શક્તિવર્ધક છે.

૨૦થી ૨૨ ભાખરી મોટી સાઇઝની થશે. નાની વધારે થશે.

 

શેફાલી પટેલ, કનેટીકટ

ટ્રીપલ ડિલાઈટ

ટ્રીપલ ડિલાઈટ

triple-delight

  • ત્રણ કપ તલ
  • બે કપ શીંગદાણાં
  • એક કપ ખમણેલું ટોપરૂં તાજું ( ફર્ોઝન પણ ચાલે)
  • ચાર કપ ગોળ (ખમણેલું)
  • એક સ્ટીક (8 oz) બટર
  • ઓપશનલ સૂ્ઠ(1ts) અથવા ( 1/4 ts) એલચી
  1. ફર્ોઝન ટોપરૂં હોય તો આગળથી કાઢીને રાખવુંં.
  2. તલને તડ તડ થાય ત્યાં સુધી શેકીને બાજુમાં મૂકવા.
  3. તેજ વાસણમાં શીંગદાણાં (ફોતરા વગરના) શેકવા.
  4. બંને વસ્તુ ઠંડી થાય એટલે બ્લેન્ડરમાં બ્લેન્ડ કરી લેવા.
  5. તેમાં ટોપરૂં,સૂંઠ, અથવા એલચી નાખી મીશ્રણ તૈયાર કરવું.
  6. ગોળનો ભૂકો કરી જરા ગરમ થાય, સફેદ ફીણ વળે એટલે બટરની સ્ટીક નાખી ઉતારી લેવું. કરેલા મીશ્રણને ગરમ પાયામાં (ગોળમાં) નાખી ચોસલા અથવા તો લાડુ ં વાળવા. ૩૫ થી ૪૦ લાડુ ચિત્રમાં દેખાય છે તેવડા થશે. બાળકોને દૂધમાં આપવાથી સારું પોષણ મળે છે.
  7. શાળામાં ઘણાં બાળકોને શીંગ કે તલની એલર્જી હોય છે એટલે લંચના ડબામાં ન ભરવા.

શેફાલી પટેલ
વીલટન, કનેક્ટીકટ

ટમેટા આંબાર

જ્યારે ઉનાળામાં અઢળક ટમેટા મળતાં હોય ત્યારે તેનું શૂં કરવું તેવો વિચાર આવે. tameta-ambar

અહીં ચેરી અને ગ્રેપ ટમેટો મળે છે. તેનો સોસ બનાવી ફ્રીજમાં મૂકી થોડા દિવસો સુધી દાળશાકમાં કે ફરસાણ સાથે ખાઇ શકાય છે.

  1. ટમેટાને ધોઇ તપેલીમાં નાખવા.
  2. મરચુ, મીઠું, હળદર, ધાણાજીરુ અને ગોળ નાખી ખદખદાવવું.
  3. ઠરે ત્યારે કાચના વાસણ કે બરણીમાં ભરી ફ્રીજમાં મૂકી રાખવું.
પેટીસ ઉપર
પેટીસ ઉપર

જો કેનીંગ કરવું હોય અને વધારે મસાલેદાર બનાવવું હોય તો લસણ, આદુ, મરચાં, ગરમ મસાલો વગેરે નાખી શકાય. તેને બ્લેન્ડ પણ કરી શકાય. અને ખાતી વખતે રાઇ, જીરુ, હીંગ તથા મીઠા લીમડાંતો વઘાર પણ કરી શકાય.

શીરામણ કે રોંઢો? 

parfaitશીરામણ કે રોંઢો?

Yogurt Parfait

  • ગ્રીક યોગર્ટ અથવા દહીંમાંથી પાણીનો ભાગ નીતારી લેવો.
  • હની ગ્રનોલા
  • સીઝનના ફ્રુટ (ખાટાં હોય તો જરા સાકર છાંટી થોડીવાર રહેવા દેવા.)
  • લાંબા ગ્લાસમાં દહીં, ગ્રનોલા અને ફ્રુટની ગોઠવણી કરવી. ઉપરના સ્તર ઉપર શણગાર કરવો.
  • આમાં કાતરેલી બદામ કે અખરોટ નાખી શકાય.