પુસ્તક પરિચય — Still me

છોકરી અપંગ માણસની સેવા કરતી હોય છે તેઓ બંને પ્રેમમાં પડે છે. માણસ જાણે છે કે આગળ ભવિષ્ય નથી એટલે

Image credit: jojomoyes.com

તે નીરાશ થઈને આપઘાત કરે છે. તેના સબંધ દરમિયાન તેણે ઘણી શીખામણો આપી હોય છે જે તેને ભવિષ્યની મુશ્કેલીઓમાં કામ આવે છે. એમાની એક શીખામણમાં તને શું બનવુ છે. તારી જાતને ઓળખી મનગમતુ કામ શોધી કાઢજે.

પછી તે બીજાના પ્રેમમાં પડે છે તે દરમિયાન તેનો ભત્રીજો ન્યયોર્કમાં પૈસાદાર કુટુંબમાં એક વર્ષની નોકરી કરવા બોલાવે છે. તે સાહસ કરીને નવા અનુભવ લેવા ઉપડે છે. રોજ તેના પ્રેમીને ઈ-મેઈલ કરતી રહે છે.

એરપોર્ટથી માંડીને રોજે રોજના અનુભવો અને લંડનમાં પોતાની નાનકડી દુનિયા સિવાય કંઈ જોયેલુ ન હોવાથી અચરજ પામે છે.

તેનુ કામ માનસિક તાણ અનુભવતી નીરાશ બાઈને સાથ આપવાનુ હોય છે. પૈસાદાર સમાજમાં ફરવાથી તેને ઘણું જાણવા મળે છે પણ તેમાં તેને ગુંગણામણ થતી હોય છે. તેને બધું ઓપચારીક લાગે છે. તે હંમેશા લંડન સાથે સરખામણી કરતી રહે છે. ત્યાં તેના દાદા ગુજરી જાય છે ; વણ કહેલી વાતો, અને મરતી વખતે સેવા ન કર શકી તેનો અફસોસ થાય છે. તે અઠવાડિયાની રજા લઈને ઉપડે છે.

ફ્યુનરલમાં આગલા પ્રેમીને મળે છે. વચમાં દરિયાપારના સહવાસને લીધે અને બંનેના કામના બોજાને લીધે થએલી ગેર સમજ દૂર થાય છે.

નવલકથાના અંતમાં તેને મળવાની અધીરતાનુ પળેપળનુ વર્ણન સુપરે છે.છેલ્લે વિચાર કરે છે કે મેં આખી જીંદગી બીજાની સેવા કરી છેં હવે મારે મારી રીતે જીવવું છે.

પૈસાદાર લોકોના જીવન, તેના સબંધો, તેને શા માટે છ મહિનામાં પાછું જવું પડે છે અને તેના ન્યુયોર્કના અનુભવો વાંચવા માટે જીણવટભર્યા વર્ણન કર્યાં છે.


પુસ્તક પરિચય: કોકિલા રાવળ
પુસ્તક: Still Me
નવલકથાકાર: Jojo Moyes ( #1 best selling author of “Me before you “)

પુસ્તક પરિચય — And The mountains Echoed

image: WIkipedia | https://en.wikipedia.org/wiki/And_the_Mountains_Echoed

આ નવલકથા ભાઈબેનના પ્રેમની છે. તેઓ અફઘાનમાં ગરીબીમાં ઉછરતા હતાં. ત્યાં તેના મામા આવીને ત્રણ વર્ષની બેનને સારી રીતે ઉછેરવા પૈસાદારને ઘેર લઈ જાય છે, જ્યાં પોતે કામ કરતો હતો. તે અઅવાર નવાર તે લોકોને પૈસા પણ મોકલતો રહેતો. પૈસાદારના ઘરમાં બાળક ન્હોતું એટલે છોકરી સારી રીતે ઉછરી રહી હતી. આ બાજુ તેનો ભાઈ આખી જીંદગીજરતો રહ્યો.

જ્યારે પૈસાદારનાઘરમાં વર- વહુ વચે જગડો થયો ત્યારે વહુ છોકરીને લઈને ત્યાથી નીકળી જાય છે. અને પેરીસ લઈજાય છે. થોડા વરસ ત્યાં રહીને સાનફ્રાન્સિસકો જાય છે. છેલ્લે મોટી થતા છોકરી ગ્રીક આઈલેન્ડમાં સ્થાઈ થાય છે.

જ્યારે પૈસાદાર માણસ મરી જાય છે ત્યારે બધી મીલ્કત છોકરીને નામે મૂકી મરી જાય છે. એટલે મામા છોકરીને શોધને તેને પત્ર લખે છે. જ્યારે છોકરી પાછી કાબુલ જાય છે ત્યારે તેને ખબર પડે છે કે તેના સાચા મા-બાપ તો બીજા છે. એટલે શોધતી શોધતી ભાઈને મળવા જાય છે. ત્યારે ભાઈને અલઝામર થયો હોય છે. તે તેને ઓળખી શકતો નથી. આ વાર્તામાં બીજા સગાના સસબંધોની વાર્તા પણ જોડાય છે. બધાં સંબધોની ગંછણીઆપણને ઝકડી રાખે છે.


પુસ્તક પરિચય: કોકિલા રાવળ
પુસ્તક: And the Mountains Echoed
લેખક : ખલીદ હોસેઈની — આ લેખકની બીજી બે વાર્તા છે.

૧ . ‘ The kite Runner ‘ ની મૂવી બની છે.
૨ . ‘ A Thousand splendid suns ‘ વાર્તા છે.

પુસ્તક પરિચય – Two Lives by Vikram Seth

વિક્રમ શેઠનુ ‘Two Lives’ પુસ્તક દેશ અને જાતિય ભેદની પ્રેમ કહાની છે અને આપણને જકડી રાખે છે .

વિક્રમ શેઠના શાંતિકાકા ૧૯૩૦માં ભારતથી જર્મની દાંતના દાક્ટર થવા ગયા. ત્યાં યહુદી કુટુંબમાં પેઈંગ ગેસ્ટ તરીકે રહ્યા. જ્યાં ઘરની દિકરી સાથે તે પ્રેમમાં પડ્ડેયા.

image: https://en.wikipedia.org/wiki/Two_Lives_(non-fiction)

થોડાં સમયમાં હીટલરની નાઝી પાર્ટી યહુદીને વીણી વીણી પધ્ધતિસર ગેસ ચેંબરમાં મોકલ્યા. ત્યાં બીજું વિશ્વ યુધ્ધ શરૂં થાયું, અને તેમાં શાંતિકાકાની ભરતી થઇ. લડાઇમાં તે દરમ્યાન તેની ઉત્તરઆફ્રિકા, મીડલ ઈસ્ટ અને મોન્ટે કસીનોમાં નીમણુક થઇ — એ યુદ્ધમાં તેનો જમણો હાથ ખડી પડ્યો.

બાકીનું ભણતર ઈંગલાંડ, કેલિફોર્નિયા, અને ચાઈનામાં પૂરૂં કરી લંડનમાં પ્રેકટીશ શરૂં કરી. શરૂઆતમાં હાથની તકલીફ હોવાને કારણે બીજાના મદદનીશ તરિકે કામ કર્યું. પછી ઘરમાં જ પોતાનું દવાખાનુ ખોલ્યું.

તેની પ્રેયસી જ્યારે લંડન આવી ત્યારે તે કોઈને ઓળખતી ન હોવાથી શાંતિકાકા સાથે રહેવા લાગી. બે વર્ષ પછી તેઓએ લગ્ન કર્યાં.

વિક્રમ શેઠ પોતે જ્યારે ઈંગલાન્ડ ભણવા ગયા ત્યારે કાકી સાથે પરિચય થાયો. તેને કાકા-કાકીની માયા બંધાણી. આ વાર્તા કાકીના ગુજરી ગયા પછી લખાણી. કાકીના જર્મન રહેતા મિત્રોની સાથે થયેલો પત્રવ્યવહારનો ઘણો ઉલેખ છે. બાકી કાકાનો ઈનટરવ્યુ કટકે કટકે લેધો. વિક્રમ શેઠ પોતાનો અનુભવ પણ ઉમેરે છે.

કાકીના ગુજરી ગયા પછી કાકા દસ વર્ષે મર્યા. તેની માંદગીનો અનુભવ સરસ રીતે આલેખાયો છે. પાછળથી કાકા વીલ બદલાવિ. તેની વિક્રમ શેઠના મન ઉપર થતી અસર ખાસ નોંધ પાત્ર છે.


પુસ્તક પરિચય લેખક: કોકિલા રાવળ

પુસ્તક પરિચય – The Inheritance Of Loss by Kiran Desai

જેમુભાઈ પટેલ નામના જજનો જાહોજલાલીનો સમય પૂરો થાય છે.નીવૃત થયા પછી શાંતિમય જિંદગી પસાર કરવા માટે કાંચનચંઘાના તળેટીમાં આવેલા કાલીમપોંગના ગામમાં સ્થાયી થાય છે. તેનો રસોયો અને મટ નામની કુતરી પણ સાથે રહેતા હોય છે.

એક દિવસ ઓચિંતાની તેની પૌત્રી સાઈ અનાથ આશ્રમમાથી તેમની સાથે રહેવા આવે છે. જજની શાંતિની જિંદગીમાં થોડો ખળભળાટ થાય છે. સાઈ રસોડામાં રસોયા સાથે વાતો કરવા પહોંચી જાય. જજને બહુ બોલવાની ટેવ નહીં . રસોયો જુનો હતો. સાઈ કુટંબની વાતો પૂછે એટલે રસોયો મીઠું મરચું ભભરાવી રસપૂર્વક વાતો કરે.

https://en.wikipedia.org/wiki/The_Inheritance_of_Loss

રસોયાનો દીકરો બીજુ અમેરિકા વગર કાયદેસર ગયો હોય છે. તે જુદી જુદી રેસ્ટોરેન્ટમાં ગ્રીન કાર્ડ વગર કામ કરતો હોય છે.

સાઈને ગણિત અને વિજ્ઞાન શીખવવા માટે જ્ઞાન નામના કોલેજ ગ્રેજ્યુએટને માસ્તર તરીકે રાખવામાં આવે છે. તેઓ બંને એકબીજાના પ્રેમમાં પડે છે. છોકરો નેપાળી હોય છે.

નેપાળ જ્યારે સ્વતંત્ર થવા માટે ચળવળ શરૂ કરે છેત્યારે નેપાળી યુવાનો સાથે જ્ઞાન મોરચામાં જોડાય છે.

જજ, કુતરી,રસોયો ,બીજુ, સાઈ અને જ્ઞાન બધાંનુ અંતમાં શું થાય છે તે જાણવા માટેપુસ્તક વાંચવા જેવું છે.નેપાળી ઈતિહાસને વણી લેતુ પુસ્તક છે. લેખિકાનું ઝીણવટ ભરેલું વર્ણન પણ રસદાયક છે.

 


લેખક: કોકિલા રાવળ, ફિલાડેલ્ફિયા

પુસ્તક પરિચય – The Rent Collector by Camron Wright

આ વાર્તા કંબોડિયાના એક મ્યુનીસીપાલીટીના ડંપસ્ટરની છે. ધણાં કુટંબોની તેમાંથી રોજી નીકળતી હતી. એક યુગલ ત્યાં રોજ ડબા- બાટલી અને પસ્તી વીણવા આવતું હતું. તેમાંથી તેનું ગુજરાન ચાલતું. તેને એક માંદલું બાળક પણ હતું. તેનો દવાનો ખરચો પણ અવાર નવાર થઈ જતો.

નજીકના વસાહતમાં તેઓ રહેતા હતાં. ઘરને ત્રણ દિવાલ હતી. ચોથી દિવાલને તાપડા થી ઢાંકતાં. તે દરવાજા તરીકે પણ કામ આપતું. આમ તાળા વગરનુ ઘર કાયમ માટે ઉઘાડું રહેતું. બધાં પાડોશીઓ એકબીજાનુ ધ્યાન રાખતાં. અને જરૂર પડે એકબીજાને મદદ પણ કરતાં.

ભાડાનો તકાડો કરવા દર મહિને એક બાઈ આવતી. એકવાર તે આ લોકોને ઘેર આવી ચડી ત્યારે તેણે જોયું કે મા દીકરાને સુવરાવતી હતી અને ડંપસ્ટરમાંથી મળેલી રંગીન ચિત્રોમાંથી વાર્તા ઘડીને કહેતી હતી. કારણકે તેને વાંચતાં આવડતું નહોતું. પેલી માએ બાઈને પૂછ્યું કે મને ઈંગ્લીશ શીખવશો ? તેનો આટલાે ઉત્સાહ જોઈને તેણે ટાઈમ અને હોમ વર્કની શરત નક્કી કરી. થોડા વખતમાં તો તે વાંચતા લખતા શીખી ગઈ. તેની વાંચવાની ભુખ વધતી ગઈ. પેલી બાઈ તેને પુસ્તકો લાવી આપતી અને બંને વચ્ચે ચર્ચા ચાલતી. આમ બંને વચ્ચે માયા બંધાણી. ઘણી વાર તેની પાસે થી ભાડું પણ ન લેતી.

બાઈને કેંસર થાય છે. તેના છેલ્લા દિવસોમાં તે પોતાને ગામ જઈને મરવાનું નક્કી કરે છે. પાછળ વીલ મૂકીને જાય છે. બધી મીલ્કત આ પતિ પત્નીને મળે છે.

આ નવલ કથા ધીરજ,આશા અને માનવતાનો સંદેશો આપે છે.

ખાસ તો ધીરે ધીરે તેને અક્ષર જ્ઞાન કેવી રીતે આપે છે અને દેશી ઉપચારથી તેના બાળકને કેવી રીતે સાજો કરે છે. આ પુસ્તકમાં કંબોડિયાનો ઈતિહાસ પણ વણી લેવાયો છે.


લેખક: કોકિલા રાવળ, ફિલાડેલ્ફિયા

Read about the documentary film, River of Victory, that inspired the book

પુસ્તક પરિચય: Forty Rules of Love by Elif Shafak

‘Forty Rules of Love’ પુસ્તક આપણને સુફીનો ધર્મ સમજાવે છે. એક બાઈ બધી રીતે સુખી છે. વર, ઘરબાર, ત્રણ બાળકો પૈસો બધું હોવા છતાં તેને જિંદગીમાં એકલતા અને ખાલીપણું લાગે છે કારણકે તેનો વર બીજી સ્ત્રી સાથે પ્રેમ સંબંધ રાખતો હોય છે.

ખાલીપો પૂરવા તે કામ શોધે છે. તેને ૧૩મી સદીનુ manuscript ‘Rumi and Shams of Tabriz’ વાંચવાનુ કામ મળે છે. વાંચતા વાંચતા તે લેખક સાથે પત્ર વ્યવહાર શરૂ કરે છે. તેની સાથે e-mailથી પોતાની જિંદગીના સવાલો તથા મનની મુંજવણની વાતની આપ-લે કરે છે. દિલ ખાલી કરતાં કરતાં પ્રેમમાં પડી જાય છે. પછી મળવાનુ નક્કી કરે છે. આગળ શું થાય છે તે માટે પુસ્તક વાંચવું જરૂરી છે.

Shams of Tabriz Dervish (ફરતો સાધુ) ફરતો ફરતો Rumiના ગામમાં આવે છે. Rumi અને Shamsના વિચારોની આપ-લે માં બંને વચે ઘનીષ્ઠ સંબંધ બંધાય છે. Rumi કથાકાર હોય છે. ક્યારેક કવિતાઓ પણ લખતો હોય છે. Rumi તેને ઘરમાં રહેવાની વ્યવસ્થા કરી આપે છેં. આમ તો ફરતા સાધુને ક્યાંય ઠરી ઠામ થઈને ન રોકાવાય.પરંતુ બંને વચે ગુરૂત્વાક્રણના ખેંચાણ હોવાથી Shams ઢીલુ મૂકે છે. Rumiને છૈયાં છોકરા બધું હોય છે. ઘરમાં કોઈને આ વ્વસ્થા ગમતી નથી.

Shams સાથે રહીને Rumiને Forty Rules of Love સમજાવે છે. થોડાં વર્ષ સાથે રહે છે. એક રાત્રીએ Shamsનુ ખુન થાય છે. Rumiને આઘાત લાગે છે. તેને માટે ઝૂરે છે. ત્યારપછી તેની બધી ગઝલો લખાણી છે. જે આજે પણ બહુ પ્રખ્યાત છે…

પુસ્તક પરિચય: જીવન પંથે પ્રયાણ

 

ઋગવેદ અને ગાયત્રી બંને આદર્શવાદી મિત્રો હતાં. બંનેના સ્વભાવમાં સામ્યતા હોવાના કારણે તેમનો સંબંધ લગ્નમાં પરિણમે છે. સમાજને સુધારવાના તેઓને સ્વપ્ના હતા.

ઋગવેદ શરૂઆતમાં રિમાન્ડ હોમમાં નોકરી મેળવે છે; રિમાન્ડ હોમમાં રહેતા છોકરાઓ કોઈ સારા, સંસ્કારી, કે સદગુણવાળા નહોતા પરંતુ સમાજથી તરછોડાયેલા, માબાપ વિહોણાં, ગુનેગાર માનસવાળા,ભણતરથી વિમુખ અને વ્યસની, એવા બાળકોનો ત્યાં વસવાટ હતો. ઋગવેદે દરેકની જવાબદારી માથે ઉપાડી લીધી. રોજ રાત્રે બધાંની મુલાકાત લઈ તેઓને માર્ગદર્શન આપતો અને તેમની પ્રવૃતિથી માહિતગાર રહેતો. ત્યાં નાના ઉદ્યોગ શરૂ કરાવીને પૈસા કમાતા પણ શીખવે છે.

ત્યાર પછી તે ગુનેગારોનુ માનસ સુધારવા સુરતની જેલની નોકરી સ્વીકારે છે. તેથી તેને ગાયત્રીથી દૂર પણ રહેવું પડે છે. રજાઓમાં તેઓ એકમેકને મળે છે.

પહેલેજ દિવસે જેલની ગંદકી જોતા તેને “એવું લાગે છે કે આ પ્રાણીઓને રાખવાની કોઢ છેકે શું?” જેલમાં પણ સુધારા કરી પ્રેમપુર્વક સૌના મન જીતી લ્યે છે. સાથે સંઘર્ષો પણ ઘણા કરવા પડે છે. “દરેક સરકારી સંચાલનોમાં, આવીજ અરાજકતા જ જોવા મળે છે. સરકારી કચેરીઓ, સરકારી હોસ્પીટલો, સરકારી નાના દવાખાના, રિમાન્ડ હોમ, જેલો આ બધું સરકારીની બેદરકારી, કામચોરી અને કર્તવ્યનિષ્ઠાનો અભાવ જણાય આવે છે. સરકાર સુધારો કરવા કે ખર્ચ કરવા બજેટ વધારે મંજુર કરે પણ એ પૈસા સંસ્થામાં ખર્ચાવાને બદલે વહીવટકર્તાઓના ગજવામાં જાય છે, કર્મચારીઓને કાંઈ પડી જ નથી હોતી.”

ગાયત્રી સંગિની નામની સંસ્થા સ્થાપે છે. સ્ત્રીઓની સમસ્યાઓનો ઉકેલ લાવે છે. તે પણ ત્યાં નાના ઉદ્યોગો શરૂ કરીને બ્હેનોને પગભર થતા શીખવે છે. જુવાન છોકરીઓને સાચા માર્ગે ચડાવે છે. તેની સંસ્થા ખૂબ પ્રગતિ કરી પ્રખ્યાત પામે છે.

બંનેના કુટંબીઓ પણ તેમને સાથ આપે છે.

નવલકથાનો પ્રવાહ સરળતાથી વહે છે. સાથે આપણને જકડી પણ રાખે છે.


લેખિકા: સરલા વ્યાસ, પુસ્તક: જીવન પંથે પ્રયાણ

એક અજાણ્યા ગાંધીની આત્મકથા (પુસ્તક પરિચય)

photo: Kokila Raval

નટવર ગાંધીનુ નાનપણ સાવરકુંડલા જેવા નાના ગાંમમાં વીત્યું. તેમનો કોલેજનો અભ્યાસ મુંબઈમાં થયો . ભણતા ભણતા પાર્ટટાઈમ નોકરી ટ્યુશન વગેરે કર્યા. મુળજી માર્કેટમાં ગુમાસ્તાની નોકરી કરી. લગ્ન પછી નાની ઓરડી માટે ડિપોઝીટના પૈસા નહોતા. ત્રણ ત્રણ મહિને કાયદા પ્રમાણે સેનેટોરિયમ બદલવી પડી. અંતે ઉધાર પૈસા લઈને ઓરડી ભેગા થાય છે. ટ્યુશનવાળા શેઠની મદદથી મેનેનેજરની નોકરી મળે છે. નાની ઓરડીમાં પાર્ટીશન કરી નાનાભાઈને ભેગો રાખવો પડે છે.

અંતે તેનો ભાઈબંધ સામેથી ટીકિટ મોકલી તેને અમેરિકા ના અલાબામા સ્ટેટમાં બોલાવે છે. થોડો સમય ભાઈબંધ સાથે રહી તેના માર્ગદર્શન હેઠળ આગળ વધે છે. કોલેજ કેંપ્સમાં પાર્ટટાઈમ કામ કરતા કરતા આગળ પી. એચ. ડી. ની ડીગ્રી મેળવે છે. પ્રોફેસર તરિકેની નોકરી ત્યાં મળી જાય છે. વર્ષને અંતે વહુને ભારતથી તેડાવે છે. પછી તો શીક્ષણ ક્ષેત્રે બીજા બે ત્રણ સ્ટેટમાં નોકરી કરે છે.

ત્યાર પછી વોશીંગટનમાં “અમેરિકન કોંગ્રેસની ‘વોચડોગ’ એજન્સી જનરલ ઓફિસમાં એકાઉન્ટિંગ ઓફિસમાં ટેક્સ પોલિસી અને એડમિનિસ્ટ્રશનના ડેપ્યુટી ડાયરેક્ટર તરીકે તેઓ નિમાયા અને ત્યાર બાદ ત્યાં જ ચીફ ફાઈનાન્સિયલ ઓફિસર તરીકે નાણાંપ્રધાનની જવાબદારી ૨૦૦૦થી ૨૦૧૪ સુધી સંભાળી. એ હોદાની રૂએ વોશીંગટનના બાર બિલિયન ડોલરના બજેટની વ્યવસ્થા અને વ્યવહાર એમના હાથમાં હતાં. અમેરિકન કરવેરા અને નાણાકિય ક્ષેત્રે નોંધપાત્ર પ્રદાન કરવા બદલ નટવર ગાંધીનું ઘણાં એવોડર્સથી બહુમાન થયું છે. આંતરાષ્ટ્રિય ક્ષેત્રે ગુજરાતની પ્રતિષ્ઠા વધારવા માટે ૧૯૯૬માં એમને ‘વિશ્વગુર્જરી’ એવોર્ડ પણ એનાયત થયો છે. વધુમાં ગાંધીની સાવરકંડલાથી અમેરિકાની રાજધાની વોશીંગ્ટન સુધીની જીવનયાત્રા અને વોશીંગટનને નાણાંકીય રીતે સધ્ધર બનાવવામાં એના સી. એફ. ઓ. તરીકે એમણે જે ભાગ ભજવ્યો તેની રસપ્રદ વાત આ આત્મકથામાં થઈ છે.”

હજી તેમને જન્મભૂમી માટે લગાવ છે. જ્યારે જ્યારે ભારત જાય ત્યારે બધાં સગા સંબધીઓ ને મળવા સાવરકંુડલાથી મુંબઈ સુધીની સફર કરે છે. ઘણાને આર્થીક રીતે મદદ કરે છે. સાવરકુંડલામાં સ્ત્રીઓની હોસ્પીટલને મોટુ ડોનેશન આપ્યુ છે.

ગુજરાતી ભાષા માટે પ્રેમ હોવાથી તેમણે ઘણાં સોનેટ લખ્યાછે. તેમના પુસ્તકો ‘ઈન્ડિયા ,ઈન્ડિયા’, ‘અમેરિકા, અમેરિકા’ અને ‘પેન્સિલવેનિયા એવન્યૂ ‘ છે.

ભારતે તેની શરૂઆતની કારકીર્દીમાં કદર ન કરી પણ અમેરિકાએ તેને ઘણી તક આપીને તેની કાર્યશક્તિની કદર કરી.

પુસ્તક પરિચય લેખિકા: કોકિલા રાવળ


પુસ્તક: એક અજાણ્યા ગાંધીની આત્મકથા
લેખક: નટવર ગાંધી, natwargandhi.com

પુસ્તક પરિચય: The Art of Hearing Heartbeats

The Art of Hearing Heartbeats, a novel by Jan-Philipp Sendker

જુલિયાના પપ્પા એક સવારે પલાયન થઈ જાય છે. ઘણી તપાસ કર્યા પછી પણ લાપત્તા હોવાથી કોયડાનો ઉકેલ આવતો નથી…

થોડાં વર્ષ પછી જુલિયાને માળિયામાં પત્તરાની ટંકડી ખોલતાં એક પ્રેમપત્ર મળી જાય છે. સરનામુ બર્માનુ હતું…

જુલિયા સારી નોકરી છોડી વ્હાલા પપ્પાનો પત્તો મેળવવા પહાડોની વચ્ચે વસેલાં બર્માના એક નાના ગામમાં પહોંચી જાય છે…

પપ્પા નાનપણમાં આંધળા હતા. જુવાન થતાં તેને એક અપંગ છોકરી સાથે પ્રેમ થાય છે. છોકરી તેની આંખો બને છે. આંધળા હોવાને કારણે તેની શ્રવણશક્તિ ખીલી હતી. તે છોકરીના ધબકારા તથા બીજા ઘણાં બારિક અવાજો સાંભણી શકતાં…

તે અમેરિકા કેવી રીતે આવે છે અને નવી જીંદગીમાં ગોઠવાય છે તેની આ નવલકથા છે. જે બે દેશને રહસ્યમય ગુંથી લ્યે છે.

 

પુસ્તક પરિચય: The Blood of Flowers

photo: Kokila Raval

વાંચવા જેવુ પુસ્તક.

સત્તરમી સદીની આ વાર્તા દંતકથામાં આવતા lsfahan (Persia) શહેરની છે.

છોકરીની નાની ઉમરમાં બાપ ગુજરી જાય છે. ગામડેથી મા-દીકરી શહેરમાં કાકાને ત્યાં જાય છે. તે જમાનામાં દાયજા (davari)ની પ્રથા હતી. બાપ જીવતા હતાં ત્યારે કાકા સાથે વરસો સુધી સબંધ ન્હોતો. કાકા તેને નોકરની જેમ રાખે છે. દાયજાના પૈસા ભેગા ન કરી શકવાથી તેના લગ્ન થઈ શકે તેમ નથી.

કાકા શાહના રાજ્યમાં જાજમ (carpet) બનાવવાના ડિઝાયનર હતાં. તેની સાથોસાથ મદદ કરતાં કરતાં તે પોતે તેમાં પારંગત થઈ જાય છે. તેને જાજમની ગુથણી કરતાં તો નાનપણથી આવડતું હતું.

મોટી થતાં તેને પૈસાદાર માણસ સાથે (contract marriage) મુદતિયા લગ્ન થાય છે,જે દર ત્રણ મહિને પૈસાના સોદા સાથે સહી સીકા કરીને થાય. પોતાના મરજી વિરૂધના લગ્નમાંથી નીકળવા પોતે સામે ચાલીને લગ્ન ફોક કરે છે. કાકા મા-દીકરીને કાઢી મૂકે છે. તેઓ બીજા ગરીબ દંપતીને ત્યા આશરો મેળવે છે. પૂરૂ થતંુ નહોવાથી તેને ભીખ માગવાનો વારો આવે છે. પછી કેવી રીતે પોતાની મેળે પોતાના માન ગૌરવ અને મોભાવાળી જીંદગી પોતે બનાવે છે…

લેખક: Anita Amirrezvani

પુસ્તક પરિચય: Kokila Raval, કોકિલા રાવળ, kokila@kesuda.com